میونسپل کارپوریشن کے خلاف عام آدمی پارٹی کا مظاہرہ 

دہرادون۔ عام آدمی پارٹی کے کارکنوں نے جمعہ کو میونسپل کارپوریشن کے خلاف مظاہرہ کرتے ہوئے کچی بستیوں کو باقاعدہ بنانے کا مطالبہ کیا۔ انہوں نے خراب سڑکوں کی مرمت کا مطالبہ بھی کیا۔ وہاں موجود لوگوں نے کارپوریشن کے خلاف نعرے لگا کر اپنے غصے کا اظہار کیا۔ پارٹی کے ایس سی ایس ٹی سیل کے ریاستی نائب صدر دیپک سیلوان نے کہا کہ ماضی میں بھی ان مطالبات کو لے کر کارپوریشن انتظامیہ کو میمورنڈم پیش کیا گیا تھا۔ لیکن کارپوریشن اور حکومت کی سطح سے کوئی فیصلہ نہیں ہو سکا۔ انہوں نے انتباہ دیا کہ اگر مطالبات کو جلد پورا نہیں کیا گیا تو عام آدمی پارٹی دھرنا دے گی۔ اس دوران ممتا سلوان، سرجیت سنگھ، سمیت شرما، وکی مہرا، گورو گپتا، شیوانی گوڑ، شبنم، لکشمی رائے، سریتا ورما، سنیتا رائے، کرشنا بوہرا وغیرہ موجود تھے۔